Duke pasur parasysh interesimin e madh të skuadrave tjera për Brajan Grudën, te Mainzi tashmë kanë caktuar çmimin për kartonin e 19-vjeçarit.
Për ta lënë të lirë këtë verë mesfushorin me tipare sulmuese, Mainzi po kërkon hiq më pak se 50 milionë euro. Synimi i Mainzit është ta mbajë Grudën të paktën edhe për një edicion dhe kjo është arsyeja që ka vendosur një çmim kaq të lartë për ta liruar në këtë afat kalimtar të verës.
Gruda tregoi paraqitje të mira në sezonin e fundit për Mainzin, ekip që nuk arriti të siguroj mbijetesën në Bundesligë dhe ka tërhequr interesimin e shumë skuadrave.
Liverpooli, Bayern Muncheni, Newcastle Unitedi, Aston Villa, Leipzigu, Borussia Dortmundi dhe Bayer Leverkuseni janë ekipet që zyrtarisht po synojnë transferimin e Grudës. Ai ka kontratë me Mainzin deri në vitin 2026, ndërsa në 28 paraqitje në elitën e futbollit gjerman, Gruda shënoi 4 gola dhe bëri 3 asistime. Po ashtu, Gruda është ftuar edhe nga Gjermania në kampin përgatitor për “Euro 2024”.