Ai përpara se të fokusohet në promovimin e Francës dhe Evropës në skenën botërore, premtoi se fillimisht do të ndërmarrë veprime për të shmangur çdo përshkallëzim të luftës së Rusisë në Ukrainë.
Ai u rizgjodh president për pesë vite të tjera më 24 prill.
“Koha përpara do të jetë ajo e veprimit të vendosur për Francën dhe Evropën”, tha Macron.
Macron po ashtu premtoi se do të gjente një “metodë të drejtë” për të qeverisur vendin e tyre duke përfshirë këtu edhe tensionet sociale.
Të ftuar në ceremoni ishin rreth 500 persona, të cilët vinin kryesisht nga bota e politikës, duke përfshirë këtu edhe aktorë, punonjës të kujdesit shëndetësor, oficerë ushtarakë dhe ish-presidentët Francois Hollande dhe Nicolas Sarkozy.
Presidenti i Këshillit Kushtetues lexoi rezultatet e zgjedhjeve dhe Macronit iu dha gjerdani i Mjeshtrit të Madh të Legjionit të Nderit, nderi më i lartë i Francës, përpara se të mbante fjalimin e tij.
Teksa mandati i dytë i Macronit do të fillojë zyrtarisht më 14 maj.
