Presidenti francez, Emmanuel Macron ka vazhduar edhe të shtunën, vizitën e tij zyrtare në Tiranë.
Për të, realizoi një pritje të veçantë, kryeministri Edi Rama.
Në kryeqytetin shqiptar, Macron ia dha një lajm të mirë Ramës.
“Është jashtëzakonisht e rëndësishme që Shqipëria të jetë pjesë e Evropës. Ky vend është qartë një pikë hyrëse e Ballkanit Perëndimor dhe, më gjerë, një pikë kyçe në Mesdhe dhe në Evropë. Prandaj, ju inkurajoj të investoni në Shqipëri, sepse ka një udhëheqje të fortë. Nuk e them këtë sepse Rama është miku im, por sepse ai ka sjellë rezultate. Në dy vitet që vijnë, duke pasur një mandat të qartë, Shqipëria do të jetë pjesë e Bashkimit Europian. Jeni të sigurt se ne, si Europë, do të japim rezultatet e pritura, së bashku me Gjermaninë, për të realizuar këtë agjendë. Prandaj, ju lutem, investoni në Shqipëri dhe në Evropë”, tha presidenti francez.
Rama, që të premten priti në Tiranë të gjithë liderët evropian, është falënderues për mbështjen e Francës.
“Ne e ndjejmë Francën shumë afër edhe në procesin e anëtarësimit dhe nga ana tjetër, rajoni ka fituar një mbështetës shumë të qëndrueshëm dhe besnik në të gjitha proceset transformuese në adresimin e momenteve të vështira që duhen akoma zgjidhur dhe në mbështetjen për përfshirjen e gjithë rajonit në Europën e bashkuar. Kemi folur me presidentin dhe për mundësinë e përfshirjes së Francës në ndërtimin e hekurudhës Durrës-Prishtinë dhe do të shikojmë më tutje në komunikime të drejtpërdrejta sesi mund të materializohet përfshirja e Francës”, u shpreh Rama.
Para konferencës së përbashkët, Rama e ka pritur në zyrë presidentin Macron, të shoqëruar edhe nga bashkëshortja e tij.
Sikurse edhe shumë liderë të tjerë të botës, edhe Macron është parë i impresionuar me dizajnin e zyrës së Ramës.
