Presidenti francez, Emmanuel Macron ka shprehur shqetësimet e tij në lidhje me sulmet izraelite që siç thuhet synojnë gjithnjë e më shumë vende që nuk lidhen me programet bërthamore dhe balistike të Iranit.
“Ne duhet urgjentisht t’i japim fund këtyre operacioneve ushtarake”, thuhet në një deklaratë të lëshuar të mërkurën nga zyra e Macron, pas një takimi të posaçëm sigurie në pallatin presidencial në Paris, raporton AP
Macron i ka kërkuar ministrit të jashtëm francez të bashkëpunojë me partnerët evropianë për të propozuar një zgjidhje të negociuar të konfliktit në ditët në vijim.
Ai gjithashtu i ka kërkuar qeverisë të marrë masa për të lehtësuar largimin e shtetasve francezë që duan të largohen nga Izraeli dhe Irani.
