Sulmuesi i Kombëtares së Kosovës, Albion Rrahmani mund ta vazhdojë karrierën në Ligue 1 të Francës.
Bëhet e ditur se ekipi i njohur nga Franca, Lyoni ka shprehur interesim për shërbimet e Rrahmanit.
Madje, thuhet se Lyoni ka ofruar 6 milionë euro për sulmuesin e Sparta Pragës, ndërsa ekipi nga Çekia për kartonin e tij po kërkon të paktën 8 milionë euro.
Tek Lyoni kanë paralajmëruar se do ta transferojnë një sulmues në ditën e fundit të afatit kalimtar dhe mbetet të shihet se a do të jetë Albion Rrahmani.
Në fakt, Lyoni thuhet se ka kohë që po e monitoron Rrahmanin, të cilin po e sheh si përforcim të duhur për sulmin.
Rrahmani ka shpërthyer këtë edicion te Sparta, duke shënuar 8 gola në 13 paraqitje në të gjitha garat.
Ai u transferua te Sparta verën e shkuar nga Rapidi i Bukureshtit.
