Eugen Cakolli nga KDI ka komentuar cështjen e anëtarëve të KQZ-së, duke thënë se propozimi i tre kandidatëve nga LVV për përbërjen e KQZ-së e “rikthen kot së koti në debat një çështje që është e sqaruar prej kohësh, si në nivel kushtetues ashtu edhe në praktikë”.
Ai këtë e ka vlerësuar si “përpjekje për të penguar funksionalizimin e plotë, apo për të krijuar bazë për kontestim të përbërjes së re të KQZ-së – pikërisht në prag të një mundësie reale për zgjedhje të reja”.
Derisa, Cakolli ka kërkuar nga presidentja Osmani që të mos lejojë hapësirë për paqartësi, dhe se ajo duhej të kërkojë nga LVV të propozojë dy kandidatë sipas tij, në përputhje me formulën ligjore.
