Përmes një njoftimi në Facebook, LVV-ja tha se për herë të parë në një dokument të institucioneve evropianë përmendet njohja reciproke mes Kosovës dhe Serbisë.
“Parlamenti Evropian miratoi rezolutën ku thuhet: Marrëveshja Kosovë-Serbi të bazohet në njohje të ndërsjellë. Për herë të parë në një dokument të institucioneve evropiane përmendet njohja reciproke mes Kosovës dhe Serbisë”, thuhet në njoftim.
Sipas LVV-së, në këtë rezolutë përshëndetet luftimi i krimit të organizuar dhe korrupsionit.
“Në këtë rezolutë theksohen edhe reformat e ndërmarra nga qeveria Kurti dhe përshëndetet luftimi i krimit të organizuar dhe korrupsionit”, thuhet më tej në njoftimin e kësaj partie. /teve1.info/
