Autore:Jona Kelmendi
Nëntëmbëdhjetë vjet pas protestës së 10 shkurtit, në Prishtinë këtë të martë u përkujtuan Arben Xheladini dhe Mon Balaj, dy aktivistë të Lëvizjes Vetëvendosje të vrarë gjatë kundërshtimit të Pakos së Ahtisarit. Të pranishëm ishin krerët shtetërorë, ministra e deputetë të Lëvizjes Vetëvendosje.
Në të njëjtin vend, të martën u kthye si kryeministër në detyrë.
Por, 19-të vjet më parë, si kryetar i partisë, i priu njërës nga protestat më të njohura të pasluftës.
Me 10 shkurt të vitit 2007, Lëvizja Vetëvendosje, doli në rrugë kundër pakos së Ahtisarit.
Por, nga plumbat e policisë së UNMIK-ut, atë ditë e pësuan dy aktivistë të lëvizjes.
Arben Xheladini e Mon Balaj, mbetën të vrarë në këtë vend.
Ndërsa detaje se çfarë ndodhi, dha njeriu që i priu protestës.
“Vetëm 8 sekonda pas hedhjes së gazit lotëjslles policia e UNMIK-ut filloi që me plumba gome të skaduar prej 11 vjetësh të qëllojë mbi trupat e demonstruesve kryesisht në kokat dhe gjokset e tyre. 232 plumba, 11 vjet skandence, 8 sekonda pas gazit lotsjellës, atëherë pak çka dukej mirë. E vranë Arben Xheladinin e Mon Balaj, u lënduan e plagosën rëndë e lehtë 84 protestues, në mesin e të cilëve më së rëndi ishin Hysni Hyseni, Dodaj i Prizrenit i cili ka vdekur më 29 janar 2020 nga një sëmundje akute”, tha Albin Kurti kryetar i LVV-së.
Kurti theksoi që Xheladini e Balaj janë pjesë e përhershme e kujtesës së Lëvizjes Vetëvendosje.
“Arben Xheladini dhe Mon Balaj janë dëshmorë të vullnetit për liri ashtu siç shkruan në pllakën këtu, në rrugën ‘Nënë Tereza’ në qendër të kryeqytetit dhe ata janë kujtimi ynë i përhershëm në themelet e Lëvizjes Vetëvendosje dhe të kapitujve që pasuan në rritjen dhe ngritjen tonë gjithnjë në shërbim të popullit shqiptar dhe shtetit të Kosovës”, tha Kurti.
Por, pse po e kundërshtonte Albin Kurti, pakon që më vonë u bë themel i shpalljes së pavarësisë së Kosovës.
“Edhe vet Ahtisaari ka thënë që propozimi i tij është kompromis dhe ne ishim të bindur që ishte kompromis tepër i madh sepse kishte aq shumë koncesione përbrenda. Por gjashtë prej tyre ishin kryesore; së pari, në atë pako Kosova detyrohej të instalonte një decentralizim mbi baza etnike, ne konsideronim që kemi nevojë për decentralizim pas sovranitetit dhe njëkohësisht ky decentralizim duhet të jetë financiar e funksional por jo etnik”, u shpreh ai.
Vetëvendosje të martën bëri homazhe edhe tek varri i Arben Xheladinit në Prishtinë dhe tek varri i Mon Balajt në Podujevë.
