Deputeti i Partisë Demokratike të Kosovës, Artan Behrami ka thënë se mbi 86% e fletëvotimeve me numër të çrregullt serik në Mitrovicë të Jugut janë vota për kandidatin e LVV-së, Faton Peci.
Por, ai ka thënë se mjafton vetëm një fletëvotim i tillë që kjo komunë të shkojë në rivotim.
“Mjafton vetëm një – vetëm një fletëvotim me numër serik të çrregullt të gjendet, që Mitrovica të shkojë në rivotim. Një fletvotim i tillë mund të korruptojë qindra apo mijëra të tjera. Në çdo shkollë ka pasur fletëvotime të tilla. Mbi 86% prej tyre janë vota për Faton Pecin”, ka shkruar Behrami.
Por, shifra të ndryshme ka paraqitur zëdhënësi i LVV-së, Arlind Manxhuka.
Nga fletëvotimet e përdorura ai ka thënë se 17 vota janë për PDK-në, 10 për LVV-në, 5 fletëvotime pa numër serik.
