Deputeti i Lëvizjes Vetëvendosje, Enver Haliti, ka reaguar ndaj deklaratave të ish-ambasadorit të Kosovës në Maqedoninë e Veriut, Gjergj Dedaj.
Dedaj deklaroi se LVV në zgjedhjet e ardhshme të shkurtit do të ketë “rënie katastrofale”. Ndërkohë, është shprehur edhe i bindur se ky subjekt politik do të “luftojë” për vendin e tretë.
Gjithashtu, ai është shprehur se VV do të duhej të mos e kalonte pragun zgjedhor prej 5%.
“Vetëvendosje do të ‘luftojë’ për vendin e tretë. Sikur të ishte populli i Kosovës siç janë skandinavët me të gjitha këto gabime, dështime, dëmtime të partneritetit me amerikanët dhe evropianët, atëherë LVV duhet me pas problem për kalimin e pragut zgjedhor prej 5%. Sikur të ishim si skandinavët me vetëdije”, deklaroi ai të hënën në emisionin “Info Nata” në Tëvë1.
Për këto deklarata, Haliti ka thënë se “Dedaj nuk ka qenë normal kur e ka thënë këtë. Mos e mundoni”. /teve1.info/
