Lushtaku tha se Qeveria Kurti po tregohet arrogante dhe jokoordinuese.
“Ne sigurisht që do të jemi me Kosovën dhe jo Albin Kurtin dhe në këtë drejtim duhet të mbështesim Kosovën, pavarësisht se kush qeverisë, edhe pse fare nuk pajtoj me Qeverinë Kurti sepse po tregohet përveç arrogant edhe jokoordinues dhe nuk ka aftësi e ekip”, ka thënë ai në emisionin “Ditari” në tëvë1.
Sipas tij, kur është çështja e Kosovës edhe Fadil Hoxha të çohet nga varri duhet të mbështet Kosova, e jo Hoxha apo Kurti.
“Kur është çështja e Kosovës edhe Fadil Hoxha me u çu ne duhet të mbështesim Kosovën, jo Fadil Hoxhën apo Albin Kurtin. Ne do të shikojmë në mbështetjen e Kosovës dhe policëve në këtë pjesë, pasi të përfundojë aksioni ne do t’i kthehemi debatit të brendshëm se çfarë e ka sjell Kosovën në këtë gjendje”, theksoi Lushtaku. /Teve1.info/
