Mërgim Lushtaku nga PDK ka folur në emisionin “Këndi i Debatit” në Tëvë1 për akuzat që i ka bërë Alban Bajrami për babanë e tij, Sami Lushtakun, dhe për familjen e tij. Ai tha se shpifjet janë të qëllimshme dhe se nuk janë bërë vetëm nga Bajrami.
“Në studiot janë bërë akuza edhe për këtë arsye kemi ardhur në këtë televizion. Përveç figurave të Alban Bajramit, ka edhe të tjera që e kanë krijuar z. Sami Lushtaku, babai im, që është ‘gogol’ i Kosovës. Ndjesa ne e dimë shumë mirë kush është Sami Lushtaku, kush ka bërë agjendë kundër tij, vetëm Serbia dhe ata shqipfolës që nuk i duan të mirën këtij vendi mundohet të bullizohet, të fyhet dhe të shpifet,” u shpreh Lushtaku.
Ai tregoi se shpifjet ndaj babait të tij kanë qenë të shumta dhe se ai ka paditur disa prej tyre.
“Shumë herë kam dashur të bëj humor për atë që i kanë bërë Sami Lushtakut. Ata kanë krijuar ‘terminal’ për babanë tim dhe i kemi paditur për shpifjet që i kanë bërë. Gjoja i kanë bërë mirë, por le të dalin para gjykatës,” tha Lushtaku.
Lushtaku iu drejtua Bajramit duke i bërë thirrje të sjellë fakte në gjykatë dhe të tregojë të vërtetën.
“Unë mendoj që nuk duhet të mbetemi të heshtur. Prandaj e kam kritikuar edhe babin tim për disa lajme të rreme që kanë qarkulluar publikisht. Është mirë t’i tregojmë lajmet siç janë. Nëse tani ke ndonjë fakt, dergoje në gjykatë, aty është vendi i tij, jo me shpifje. Është mirë që njerëzit e tillë të tregojnë edhe historinë e familjes së tyre. Unë me krenari po tregoj kush jam, kujt jam dhe djali i kujt jam. Ai le të deklarojë se djali i kujt është, sepse unë po i bëj pyetje të tregojë,” u shpreh Lushtaku.
Në fund, Lushtaku i bëri një mesazh të drejtpërdrejtë Bajramit:
“Alban Bajrami, nëse po merresh me familjen time, më trego. Pse nuk e ke mbiemrin e babës tënd? Çfarë ka ndodhur me familjen tënde? Kallxona pak, a ka ndonjë rast kriminal në familjen tuaj?” tha Lushtaku.
