Ndërsa duke folur për liberalizimin e vizave, Lushtaku në emisionin “Ditari” në tëvë1 tha se regjimi i vizave do të hiqet në vitin 2024, ndërsa meritat për këtë ua atribuoi qeverive të kaluara.
“Procesi i aplikimit më shumë është spektakolar sesa që është një veprim i koordinuar mirë. Por sidoqoftë ai e ka shfrytëzuar informatën se tash liberalizimi vetëm do të ndodhë në 2024. Gjë që është e arritur e partive dhe qeverive të kaluara sepse e kanë pranuar gjithë eurodeputetët që është një vendim i vonuar i PE –së dhe Këshillit të Ministrave. Por gjithsesi ky e ka përdorur në sensin e shitjes para opinionit publik si e arritur pas aplikimit për mundësinë e anëtarësimit në BE që çfarë rezultati ka sjellë vet aplikimi i tij”, ka deklaruar Lushtaku.
Sipas tij, çdo e arritur e Kosovës është synim i përbashkët.
“Ne e dimë dhe jemi krenar për identitetin tonë evropiane dhe si shtet i Kosovës dhe çdo e arritur në këtë drejtim është synim i përbashkët”, tha tutje Lushtaku.
Sot, kryeministri i Kosovës, Albin Kurti, i dorëzoi aplikimin e Kosovës për anëtarësim në BE, Çekisë, vend ky i cili aktualisht kryeson presidencën e Bashkimit Evropian. /Teve1.info/
