Deputeti i PDK-së, Mërgim Lushtaku ka folur për deklaratat e deputetit Haki Abazi, i cili tha se për zhdukjen e mostrave të Astrit Deharit, Prokuroria duhet ta marrë në pyetje kryeministrin Albin Kurti.
Lushtaku në emisionin “Info Nata” në Tëvë1, tha se sot ka parë një largim të përgjegjësisë së Kurtit në media kur është folur për këtë rast. Sipas tij, sikur Kurti ka një lloj ndjenje të fajit.
“Në pjesën sot çfarë kam përcjell në media kam parë një largim të përgjegjësisë të Kurtit që u largohet mediave dhe nuk jep asnjë intervistë për këtë çështje dhe sikur e ka një lloj ndjenje të fajit në këtë drejtim”, ka deklaruar ai.
Lushtaku thotë se VV-ja po viktimizohet me rastin e Deharit.
“Sigurisht kjo çështje do të jetë e prokurorisë dhe urojë sa më shpejt të zbardhet sepse mjaft më me keqpërdorime të rasteve. Me këtë formë po viktimizohen shumë sidomos VV-ja me këtë pjesë. Kanë dëshirë të shtyjnë sa më shumë derisa në zgjedhjet e ardhshme të shfrytëzojnë prap këtë pjesë. Viktimizimi i këtij rasti në publik nuk duhet të merret parasysh sepse Kosova ka problem edhe më të mëdha”, përfundoi Lushtaku. /Teve1.info/
