Për këtë fjalim Lushtaku tha se janë shokuar edhe vet deputetë të Vetëvendosjes.
“Kjo është tradhti kombëtare padyshim. Është tradhti kombëtare sepse po e lavdëron një kriminel. Në këtë drejtim unë nuk i kam besuar as veshëve as syve të mi. Nuk e kam besu që një lider shqiptar e bën një tradhti, si kryeministri Kurti i cili e bëri hero Oliver Ivanoviqin”, ka thënë ai në “Info Nata” në Tëvë 1.
Lushtaku ka shtuar se Kurti do të duhej të jepte vet dorëheqje për këtë deklaratë.
“Kjo është skandaloze dhe nuk ishte dashtë ne me kërku dorëheqje/shkarkim, por do duhej në atë ditë që e ka bërë këtë deklaratë të japë dorëheqje”, ka thënë Lushtaku.
Për këtë deklaratë ai ka shtuar se do të duhej të organizoheshin protesta të mëdha.
“Është e pafalshme që një lider i një vendi të lavdërojë një kriminel i cili është jashtë çdo përmase. Sot sheshi ish dashtë të mbushet përplot njerëz dhe protestues për vet fjalimin dhe shpalljen hero të Olvier Ivanoviqit nga kryeministri Kurti”, ka vazhduar ai
