Ish-deputeti i PDK-së, Mërgim Lushtaku, ka deklaruar publikisht se është pro rikthimit të Fatmir Limaj në Partinë Demokratike të Kosovës.
Lushtaku tha se nëse vendimi do të varej nga ai, rikthimi i Limajt tashmë do të ishte realizuar.
Megjithatë, ai theksoi se vendimmarrja përfundimtare i takon Kryesisë së partisë.
Ai bëri të ditur se të njëjtin qëndrim do ta mbrojë edhe në mbledhjet e Kryesisë së PDK-së, duke shtuar se rikthimi i Limajt do të ishte në përputhje me vullnetin e elektoratit dhe do të ndikonte në fuqizimin e partisë.
“Qëndrimi im ka qenë dhe mbetet PËR”, ka shkruar Lushtaku në reagimin e tij publik.
