Deputeti i PDK-së, Mërgim Lushtaku, tha se nuk po ka reflektim nga partia e parë e dalë në zgjedhjet e fundit parlamentare.
Në hyrje të Kuvendit, ai tha për mediat se ndryshimi i kandidatit do të zhbllokonte situatën.
“Fatkeqësisht, po shihet që nuk ka reflektim nga shumica për të ndryshuar kandidatin dhe për të ardhur deri te zgjedhja e kryetarit dhe konstituimi i Kuvendit dhe për të vazhduar trajtimin e problemeve të qytetarëve që çdo ditë e më shumë po grumbullohen dhe po bëhen më vështirë të tejkalueshme. Derisa nuk reflekton shumica, ne i kemi qëndrimet e njëjta”, tha Lushtaku.
