Lushtaku përmes një postimi në Facebook, ka thënë se kjo qeveri e “turpit” ka aq shumë antipati ndaj UÇK-së, sa askush sipas tij nuk mund të imagjinonte se veprimet e saj do të bien deri në këtë nivel.
“I turpshëm e skandaloz lajmi se është shkarkuar nga pozita e Drejtorit të Përgjithshëm të Agjencisë së Emergjencave të Kosovës, njëri prej themeluesve të UÇK-së, pjesëtar i grupit të Komandantit Legjendar Adem Jashari, luftëtar i dalluar i UÇK-së, Gjenerali Fadil Kodra. Duket që kjo qeveri e turpit ka aq shumë antipati ndaj UÇK-së, sa askush nuk mund të imagjinonte se veprimet e saj do të bien deri në këtë nivel”, ka shkruar ai.
Sipas tij, nuk ka turp më të madh sesa të shkarkohet Fadil Kodra që gjithë jetën e ka vënë në shërbim të kombit.
“Nuk ka turp më të madh sesa të shkarkohet nga pozita e Drejtorit të Agjencionit të Emergjencave, një njeri si Fadil Kodra, që gjithë jetën e ka vënë në shërbim të kombit. Duket që ka ardhë koha e proserbëve e nostalgjikëve të Jugosllavisë që të qeverisin me institucionet e Kosovës. Turpi ju mbuloftë!”, tha më tej Lushtaku. /teve1.info/
