Shefja e Grupit Parlamentar të LDK-së, Jehona Lushaku-Sadriu ka thënë se procesi i zgjedhjes së presidentit të vendin po ka hyrë në një rrugë njëkahëshe, në drejtim të zgjedhjeve të reja.
Ajo në një konferencë për media ka thënë se zgjedhjet janë të panevojshme dhe se veprimet e LVV-së i kanë parë me shqetësim.
“Si LDK e kemi parë me shqetësim kahjen e re të këtij procesi dhe mbylljen një mundësie që të gjindet një kompromis e cila do të mënjanonte bllokadat sistematike institucionale. Kjo është një rrugë njëkahëshe, pa krye, është drejtim kah zgjedhjet e reja të cilat janë totalisht të panevojshme edhe e paraqet tendencën për të kapur institucionet kryesore në vend. Ne sot po e shprehim indjinatën tonë, kemi dhënë si parti gjithçka, kemi provuar t’i japim vendit zgjidhje duke ofruar mundësinë e dialogimit”, ka thënë Lushaku-Sadriu në konferencën për media, raporton teve1.info
Ajo ka thënë se nuk është disktuar për emra të përveçëm në takimet me Kurtin.
