“Mosgatishmëria për të dialoguar është arsyeja e kësaj gjendje. Secila qeveri në secilin shtet demokratik dialogun dh kërkon zgjidhje, qeveria jonë nuk ka gatishmëri për të dialoguar. Ka krijuar pakënaqësi te mësimdhënësit, ka shkaktuar mbyllje të shkollave duke mos dhënë aspak përgjegjësi dhe e ka shënuar një situatë të paprecedan të moskomunikimit të me palët e invilvuara.
Për më shumë kjo qeveri ka vendosur të mos i ekzekutoj pagat. Për herë të parë në historinë e arsimit të Kosovës pagat për mësimdhënësit nuk janë ekzekutuar, për herë të parë. Kjo e cenon dinjitetin e mësuesit për çka ne gjatë historisë jemi munduar ta mbrojmë në rrethana edhe shumë më të vështira se sot dhe kjo tregon për gatishmërinë e kësaj qeverie për t’i ndëshkuar mësimdhënësit, pikërisht ata për dinjitetin e të cilëve ajo nuk e ka dert. Kjo tregon se sa jodemokratike është dhe sa e guximshme për të marrë vendime që nuk kanë bazë ligjore. Ky vendim është joligjor, nuk ka asnjë të drejtë që pagat të ndalen kolektivisht për punonjësit publik e në veçanti për punonjësit e arsimit”, ka deklaruar Lushaku-Sadriu.
Lushau-Sadriu tha se mësimdhënësit i kanë adresuar kërkesat e tyre por nuk kanë gjetur mbështetje e as dialogim të mirëfilltë nga ana e Qeverisë.
“Në këtë kohë kur kemi krizë ekonomike, inflacioni është në rritje e sipër, kur kemi krizë energjetike dhe shumë kriza tjera, mësimdhënësit duhet të dënohen qysh dje duke mos marrë pagat e tyre për muajin gusht”, ka deklaruar Sadriu.
Lushaku-Sadriu tha se LDK e ka përcjellë me shqetësim këtë situatë dhe shtoi se kjo gjendje i dedikohet papërgjegjësisë dhe paaftësisë së kësaj qeveri.