Deputetja e Lidhjes Demokratike të Kosovës, Jehona Lushaku –Sadriu ka thënë se partia fituese nuk ka lënë aspak vend për partneritet.
Sipas saj këtë e tregon edhe përpjekja e 20-të për konstituimin e Kuvendit.
“Sot kemi përpjekjen e 20-të me radhë për ta konstituuar Kuvendin dhe kjo ka shfaqur një paaftësi të partisë fituese për ta siguruar shumicën në Kuvend. Dhe kjo tregon që partia fituese nuk ka lënë aspak vend për partneritet, partneritet përmbajtjesorë që do t’i siguronte Kosovës të mira”, ka deklaruar ajo, para nisjes së seancës.
Ajo ka përsëritur qëndrimin e LDK-së se dalja nga kriza është propozimi i tyre për një Qeveri nacionale të tranzicionit. Lushaku –Sadriu ka thënë se kryeministër i kësaj qeverie do të ishte Lumir Abdixhiku.
