Shefja e Grupit Parlamentar të Lidhjes Demokratike të Kosovës, Jehona Lushaku, i ka reaguar shefes së GP të VV-së Arbërie Nagavci, lidhur me propozimet për presidentin.
Përmes një deklarate publike, Lushaku-Sadriu ka theksuar se tashmë emri është bërë i ditur, duke kërkuar nga shumica parlamentare të sqarojë nëse i ka votat e nevojshme.
“A deshët emra? Emrin e keni. Kallxoni a i keni 66 vota!”, ka reaguar ajo në Facebook.
Ky reagim vjen në një kohë kur në skenën politike në vend po zhvillohen diskutime intensive rreth sigurimit të shumicës parlamentare për zgjedhjen e presidentit të ri.
Pak qaste më parë, shefja e Grupit Parlamentar të LVV-së, Arbërie Nagavci, thekson se kjo parti ka bërë një hap tjetër përpara në përpjekje për tejkalimin e ngërçit në zgjedhjen e presidentit.
Nagavci tha se s’kanë pranuar zyrtarisht asnjë propozim konkret nga opozita për president”.
Nagavci: Nuk kemi pranuar propozime zyrtare nga PDK e LDK për presidentin, mbesim në pritje
