Deputetja e Lidhjes Demokratike të Kosovës, Jehona Lushaku, ka kritikuar kryeministrin Albin Kurti, duke e akuzuar atë se po e çon vendin drejt zgjedhjeve të reja për shkak të dështimit në qeverisje dhe mungesës së gatishmërisë për kompromis politik.
Lushaku tha se situata aktuale politike është pasojë e qasjes së kryeministrit, të cilin e akuzoi për nxitje të krizës institucionale në vend të zgjidhjes së saj.
Sipas saj, çështja e zgjedhjes së presidentit kërkon marrëveshje politike dhe konsensus ndërmjet partive, e jo imponim nga një subjekt i vetëm.
Lushaku theksoi se nëse vendi shkon në zgjedhje të reja, përgjegjësia për këtë situatë do të jetë e qartë politike.
“Pse, Albin?! Sepse qeverisja t’ka dështu. Sepse s’po din e s’po don me e zgjidh as çështjen e presidentit. Sepse për ty kompromisi është dobësi, jo demokraci”, ka shkruar ajo në Facebook.
