Në “Info Nata” në Tëvë 1, Adem Lushaj nga kjo komunë thotë se mos reagimi i organeve kompetente me kohë, u ka shkaktuar banorëve një “terror psikologjik”.
“Dy ditët e fundit ka dalë edhe një dyshim që thuhet se është nga helmimi i ujit për shkak të ankesave të pacientëve, por për ne është më alarmuese ose një terror psikologjik ndaj banorëve të 11 fshatrave mosreagimi me kohë i IKSHPK-së apo të Ministrisë që të njoftojnë qytetarët që të mos përdoret apo mos të përdoret uji për pije”, tha ai.
Tutje, ai përmendi edhe helmimin e mbi 2 mijë banorëve të Deçanit vitin e kaluar.
Sipas tij, ngritja e aktakuzave ndaj dy zyrtarëve të kompanisë regjionale “Hidrodrini” nuk qëndron sepse ata janë “më së paku fajtorë”.
“Edhe një çështje po potencohet se kryetari i Komunës po insiston që kompania për menaxhimin e ujësjellësve të Komunës së Deçanit ta merrë nën kontroll Komunën e Deçanit që mund të jetë edhe një veprim politik edhe pse për ne si shoqëri civile ndoshta do të jetë më mirë që komuna të menaxhojë me ujësjellësin ngase qytetarët ankesën po e drejtojnë të institucionet e Deçanit por jo të bëhet një lojë apo presion psikologjik te qytetarët e Deçanit dhe për një 1 vit banorët janë në drojë ta përdorin apo mos ta përdorin ujin e pijes”, shtoi ai./teve1.info/
