Përzgjedhësi i Përfaqësueses së Spanjës, Luis Enrique, ka bërë një ndryshim në listën e tij të lojtarëve të ftuar për ndeshjet e Ligës së Kombeve që luhen muajin e ardhshëm.
Federata e Futbollit e Spanjës ka njoftuar të mërkurën se Enrique e ka ftuar mbrojtësin e Leeds Unitedit, Diego Llorenten, për ta zëvendësuar Aymeric Laporten e Manchester Cityt.
Laporte për shkak të lëndimit nuk do të jetë në gjendje t’i ndihmojë Spanjës në duelet e edicionit të tretë të Ligës së Kombeve. Muajin e ardhshëm Spanja i luan katër ndeshje. Duelin e parë e luan me Portugalinë, përpara se të përballet me Çekinë, Zvicrën dhe sërish Çekinë.
