Në deklaratën e guvernatorit të BQK-së, Fehmi Mehmeti, thuhet se është duke u monitoruar për së afërmi situata ekonomike në botë.
Edhe ditët e fundit problemet që janë shfaqur me fillimin e luftës mes Ukrainës dhe Rusisë, BQK-ja po punon që të kemi ruajtje të stabilitetit financiar në vend. “BQK gjithherë është në shërbim të qytetarëve të Kosovës; ne gjithherë jemi gati kur është nevoja të veprojmë. Duke pas parasysh situatën e tanishme të krijuar, BQK-ja është duke monitoruar për së afërmi zhvillimet e fundit ekonomike në botë, dhe në rast nevoje, në bashkëpunim me institucione të ndryshme ndërkombëtare, përmes takimeve të shumta që i kemi, do ndërmerren veprimet në kohën adekuate”, tha ai, thuhet në komunikatën e BQK-së.
Në deklaratë thuhet së për kundër pandemisë janë bërë ndryshime të mëdha të cilat kanë ndikuar në të gjitha sektorët që janë nën mbikëqyrje të BQK-së.
Investimet e huaja direkte në Kosovë deri në nëntor 2021, sipas BQK-së kanë arritur në 485 milionë euro.
“Investimet e huaja direkte janë rritur në krahasim me një vit më parë, pra investime kemi më shumë në fushën e patundshmërisë. Është më tepër se e nevojshme ta ndërrojmë fushën e investimeve dhe të kemi investime, më shumë aty ku krijohet zhvillim dhe gjenerim i vendeve të reja të punës”, tha Mehmeti./Teve1.info/
