Publicisti, Fatos Lubonja, formimin e një qeverie teknike në Shqipëri e sheh gati të pamundur aktualisht, pasi ai konsideron se një gjë e tillë mund të bëhet vetëm nëse opozita ka forcë destabilizuese.
Po ashtu, Lubonja, të pamundur e sheh edhe për faktin që mazhoranca do ta pranonte një qeveri të tillë dhe siç ka thënë ai ‘ka forca për të mposhtur dhe neutralizuar çfarëdo përpjekjeje destabilizuese.
“Unë gjykoj se realisht kjo është gati e pamundur dhe kjo mund vetëm të imponohet nga opozita sikur opozita të ketë aq forcë sa të destabilizojë dhe nëse e ka këtë forcë atëhere mundet të imponohet, por mendimi im është se mazhoranca në krye me Ramën nuk e pranon një qeveri të tillë teknike, sdo ta pranojë dhe ka forca për ti mposhtur e neutralizuar këto përpjekje destabilizuese”, ka thënë ai në emisionin “Ditari” në tëvë1.
Për veprimet e fundit të opozitës atje, Lubonja ka fajësuar qeverinë aktuale të Shqipërisë sepse sipas tij e ka hequr mundësinë e rotacionit çka e detyron opozitën që të sillet edhe dhunshëm.
Ai ka thënë se tani opozita po kërkon qeveri teknike, meqenëse për mendim të tij nuk besojnë se me kryeministrin Rama ka zgjedhje të lira.
“Shqipëria është në situatën kur kjo parti shtet ose kjo oligarki kriminale autoritare ka hequr mundësinë e rotacionit dhe duke e hequr këtë mundësi opozita shpeshherë ndodhet në dilemë cfarë do të bëjmë, si do bëjnë dhe herë pas here e dimë që ka bërë dalje nga parlamenti ose ka bërë veprime të dhunshme, protesta të forta me idenë që me Ramën nuk ka zgjidhje të lira dhe tani kanë dalë me opsionin maqedonas që na duhet një qeveri teknike e cila të jetë e depolitizuar me një kryeministër të zgjedhur me marrëveshje”, ka shtuar publicisti Lubonja./teve1.info/