E gjithë kjo, pasi u bë i ditur vendimi në Hagë për ish-krerët e UÇK-së.
Qytetarët e Skenderajt u bënë bashkë për ta përcjellë seancën dhe për ta dëgjuar vendimin.
Por, me aktvendimin nuk u ndanë të kënaqur.
Andaj, për ish-krerët e UÇK-së, ata patën edhe një mesazh.
“Deri në vdekje me juve, trima. Turp, Evropë!”, tha një qytetar.
I revoltuar me vendimin ishte edhe një 79-vjeçar.
E për këtë vendim po e fajëson Serbin.
“Ky burg për mu është i Serbisë. Serbia qeshtu na ka bo. Ushtria Çlirimtare i boni 300 masakra. Kush e vrau familjen e Adem Jasharit, vetë populli e ka vra, vetëveten, a? Pleqtë thojshin edhe jom i bindur, edhe po e përjetoj në jetën teme, pasha tradhtinë e Rusisë, pasha rrenën e Serbisë. Sot e përjetova rrenën e Serbisë në mesin e juve. Këto janë shpifje të Serbisë, i ka pagu njerëzit, rrenën me pare”, theksoi një qytetar.
E dikush po pret që vendimi të ndryshojë në shkallën e dytë.
“Me keqardhje do të flas për këtë vendim, të pambështetur në baza ligjore. Për çka do të vuajnë dënimin, janë plotësisht të pafajshëm. Kjo është shkalla e parë. Shkalla e dytë le ta korrigjojë, le ta heqë këtë vendim dhe të sjellë një vendim të pafajshëm e t’i lirojë”, tha Rrahmon Bejta, ish-profesor i Thaçit.
Mirëpo, jo të gjithë e shohin vendimin si të papritur.
“Ushtria Çlirimtare e Kosovës ka qenë e pastër dhe ka me kon e pastër gjithmonë, deri në vdekje, pa marrë parasysh shpijunave. Serbia e ka prit këtë që me u dënu krerët e UÇK-së. Sot Serbia feston që dënohen, e populli i Kosovës vuan”, tha Gazmend Avdiu, qytetar.
Ish-krerët e UÇK-së, sot u njoftuan me vendimin e shkallës së parë nga Dhomat e Specializuara në Hagë, e të organizuar vendimin e pritën nën ethe edhe qytetarët e Skenderajt.
