Një kompani është kapluar nga flakët mëngjesin e së enjtes në magjistralen Ferizaj-Kaçanik.
Ekipet e zjarrfikësve të Ferizajt dhe komunave përreth kanë arritur ta lokalizojnë zjarrin dhe po vazhdojnë punën intensive për shuarjen e tij, të ndihmuara edhe nga disa kompani private me autobetonierë.
Kështu ka bërë të ditur për tëvë1.info, zëdhënësi i Policisë për rajonin e Ferizajt, Kanun Veseli.
Sipas Veselit, në vendin e ngjarjes, njësitë policore po vazhdojnë angazhimin e tyre për menaxhimin e situatës dhe sigurinë e perimetrit.
Ai po ashtu ka bërë të ditur se në terren gjenden edhe ekipet e KEDS-it, eksperti i zjarreve, si dhe zyrtarë nga Komuna e Ferizajt dhe Shërbimet Publike, të cilët po koordinojnë veprimet me të gjitha institucionet përgjegjëse.
“Ekipet e zjarrfikësve të Ferizajt dhe komunave përreth kanë arritur ta lokalizojnë zjarrin dhe po vazhdojnë punën intensive për shuarjen e tij, të ndihmuara edhe nga disa kompani private me autobetonierë. Në vendin e ngjarjes, njësitë policore po vazhdojnë angazhimin e tyre për menaxhimin e situatës dhe sigurinë e perimetrit. Në terren gjenden edhe ekipet e KEDS-it, eksperti i zjarreve, si dhe zyrtarë nga Komuna e Ferizajt dhe Shërbimet Publike, të cilët po koordinojnë veprimet me të gjitha institucionet përgjegjëse. Hetimet mbi shkaqet e zjarrit janë duke u zhvilluar, të autorizuara nga prokurori i shteti. Ndërsa rruga magjistrale Ferizaj -Kaçanik është liruar plotësisht për qarkullimin e automjeteve. Për informata të tjera, do të njoftoheni me raportet vijues”, ka deklaruar Veseli./teve1.info/
