Dion Gallapeni do të largohet nga Widzed Lodzi por jo edhe nga kampionati i Polonisë.
Mbrojtësi i krahut të majtë, do ta vazhdojë karrierën te skuadra tjetër polake, Ëisla Plock, te cila do të huazohet pasi tashmë gjithçka është finalizuar mes palëve.
Wisla Plock do ta huazojë Gallapenin deri në fund të sezonit, ku edhe do ta ketë opsionin e blerjes së tij për 700 mijë euro.
Nëse futbollisti i Kosovës bind me paraqitje dhe Wisla Plock e bën transferim të përhershëm, atëherë Gallapeni do të jetë transferimi më i shtrenjtë në historinë e këtij klubi.
Në stinorin pranveror, Gallapeni nuk e ka luajtur asnjë minutë për Widzed Lodzin, duke u huazuar te Wisla Plock, ekip që po lufton për titullin e kampionit të Polonisë.
Gallapeni u transferua te Lodzi në korrik të vitit të shkuar dhe deri më tani ka 10 paraqitje në Ekstraklasa të Polonisë, ku ka shënuar edhe një gol.
Ai ka kontratë deri në vitin 2029 me Lodzin, ekip që pagoi 300 mijë euro për ta transferuar nga skuadra e Prishtinës.
21-vjeçari, gjithashtu ka edhe tri paraqitje me Kombëtaren e Kosovës, me të cilën debutoi në muajin mars të vitit të shkuar.
