Klubi i futbollit Llapi do të nis përgatitjet për sezonin e ri, të martën e 1 korrikut, ka bërë të ditur skuadra përmes një njoftimi në faqen zyrtare në Facebook.
Grumbullimi i skuadrës bëhet në të njëjtën ditë nga ora 17:00, derisa stërvitjet nisin nga ora 18:00, në stadiumin “Zahir Pajaziti” në Podujevë.
“Skuadra do të jetë e kompletuar me përforcimet e reja si dhe me futbollistët që kanë mbetur nga edicioni i kaluar, me synim të qartë – të rikthehemi në garë për trofe dhe plasman në garat evropiane.
Gjatë kësaj faze përgatitore janë planifikuar disa ndeshje miqësore, si dhe një fazë përgatitore jashtë vendit, për të cilat do të jeni të informuar në vijim përmes mjeteve tona të informimit”, ka shkruar llapi në Facebook.”
“Deri në nisjen e fazës përgatitore, klubi ynë do t’ju mbajë të informuar në vazhdimësi për të gjitha zhvillimet nga kampi bardhekaltër – përfshirë afrimet, largimet dhe çdo risi që lidhet me ndërtimin e skuadrës për sezonin e ri”, kanë bërë të ditur drejtuesit e skuadrës bardhekaltër.
