22:26 Llapi mposhtet në Podgoricë, kualifikimin e kërkon në “Fadil Vokrri”
Llapi ka pësuar disfatë në ndeshjen e parë kualifikuese për në Ligën e Konferencës. 2:0 përfundoi ndeshja në mes Buducnost Podgorica – Llapi.
Ekipi vendas kishin një paraqitje më të mirë gjatë gjithë takimit. Ata kaluan në epërsi në minutën e 23` me anë të Mijovic.
Që nga minuta e 30` llapjanët ishin me 10 lojtar, pasi u përjashtua Bianor.
Pas vetëm dy minutash ishte Ignjotovic që gjeti golin e dytë për vendasit. Rezultati i pjesës së parë u mbyll 2:0 për vendasit.
Në pjesën e dytë kishte raste, por golat munguan. Kështu Llapi do të pres në shtëpi Buducnost Podgorica më 14 korrik, me fillim nga ora 20:00.
21:20 Llapi shkon në pushim me disavantazh prej dy golave
Llapi ka shkuar në pushim të pjesës së parë në disavantazh prej dy golave ndaj Buduqnostit në Podgoricë.
Ekipi llapjan së pari pësoi në minutën e 23-të nga Lazar Mijoviq. Për Llapin gjendja më shumë u vështirësua, pasi Bianor u ndëshkua me të kuq, ndërsa vetëm dy minuta me pas Buduqnosti shënoj edhe të dytin me Urush Ignjatoviq.
21;07 Llapi pëson edhe të dytin në Podgoricë
Ekipi i Llapit ka pësuar edhe golin e dytë në Podgoricë.
Buduqnosti prej minutës së 32-të po udhëheq 2:0.
Golin e dytë e shënoi Urosh Ignjatoviq.
20;59 Llapi po e pëson në Malin e Zi
Llapi është në disavantazh ndaj Buduqnostit. Ekipi nga Mali i Zi ka kaluar në epërsi me Lazar Mijoviq në minutën e 23-të të ndeshjes.
Ky takim është i pari në raundin kualifikues në Ligën e Konferencës.
19;33 Edhe Llapi publikon formacionin startues ndaj Buduqnostit
Trajneri i Llapit, Tahir Batatina, ka vendosur për formacionin startues për ndeshjen ndaj Buduqnostit të Malit të Zi. Ndeshja e parë në mes të Buduqnostit dhe Llapit luhet nga ora 20:30 në Podgoricë dhe i takon raundit të parë kualifikues të Ligës së Konferencës.
Batatina ka vendosur formacionin 4-2-3-1. Në portë është ilir Avdyli, ndërsa katërshja e mbrojtjes përbëhet nga Bujar Idrizi, Ilir Krasniqi, Bianor dhe Fernandinho.
Në qendër të mesfushës do të paraqiten Kushtrim Shabani dhe Arbnor Ramadani. Pra tyre do të luajnë Adem Maliqi, Francisco Rivera dhe Gerhard Progni. Në qendër të sulmit do të jetë Alef Firmino.
Buduqnosti: Dragojevic, Dakic, Adzic, Razanatovic, Ignjatovic; Mirkovic, Terzic, Jankovic; Dukanovic, Mijovic, Milosevic.
Llapi: Avdyli, Araujo, Neto, Krasniqi, Idrizi; Shabani, Ramadan; Rivera, Progni, Maliqi, Firmino.
