Ka përfunduar koha e rregullt e takimit ndërmjet Llapit dhe Malishevës, që po luhet në stadiumin “Zahir Pajaziti” në Podujevë, të enjten.
Kjo ndeshje i takon fazës çerekfinale të Kupës së Kosovës dhe pas 90-të minutave lojë nuk pati fitues.
Dueli përfundoi 1:1 dhe tani do të luhen dy vazhdime nga 15-të minuta përtë parë nëse do të ketë fitues.
Nëse as pas vazhdimeve nuk ka fitues, atëherë do të shkohet në penallti për të mësuar ekipin që do të kualifikohet në gjysmëfinale.
Malisheva avancoi me anë të Mevlan Zekës në fillim të ndeshjes, ndërsa Llapi barazoi me Besar Musollin me të nisur pjesa e dytë.
