Qendërsulmuesi Xheis Rushiti, është përforcimi më i ri i skuadrës së Llapit.
Ekipi nga Podujeva, që bën gara në Superligën e Kosovës në futboll, të dielën e ka prezantuar 22-vjeçarin.
Rushiti i bashkohet Llapit nga KF Vora, ekip me të cilin sezonin 2024/25 u shpall kampion në Kategorinë e Parë të Shqipërisë, duke u promvuar në Kategorinë Superiore.
“Për Rushitin, eksperienca me Llapin do të jetë e para në Kosovë, pasi që më parë ka luajtur edhe për kategoritë e reja të Internacional Tirana dhe Partizanit”, ka shkruar Llapi ndër të tjera në njoftim.
Sulmuesi, tashmë është bashkuar me ekipin në fazën përgatitore dhe do jetë forcë shtesë për edicionin e ri.
