22:03 Llapi fiton për herë të dytë rresht Kupën e Kosovës
Llapi ka arritur ta mbroj Kupën e Kosovës të fituar edicionin e kaluar.
Ekipi llapjan në stadiumin “Fadil Vokrri” ka arritur të triumfoj ndaj Dritës me shifra 2:1.
Për Llapin golat erdhën nga Rivera (6′) dhe Ramadani (48′). Kurse për Dritën realizoj Hamdi Namani (37′).
Kjo është Kupa e dytë për Llapin, ndërkaq Drita që nga viti 2001 nuk ka arritur të ngrisë lartë më këtë trofe.
21:11 Llapi sërish në epërsi
Llapi ka gjetur sërish avantazhin ndaj Dritës në “Fadil Vokrri”
Arbnor Ramadani ka realizuar vetëm tre minuta (48′) pas pushimit, me devijim.
Mesfushori gjuajti fuqishëm me të majtën e tij, dhe falë devijimit të Ajzeraj topi përfundoj në rrjetë.
20:47 Drita dhe Llapi shkojnë në pushim të barabartë
Përfundon pjesa e parë e ndeshjes finale mes Dritës dhe Llapit, skuadra këto që po luftojnë për trofeun e Kupës së Kosovës.
Skuadrat në pushim të mes-pjesëve shkuan me rezultat 1:1. Epërsinë të parët e gjetën skuadra llapjane, përmes Riveria-s në minutën e gjashtë nga goditja e dënimit. Ndërkaq shifrat ekipi gjilanas i barazoj me Hamdi Namanin në minutën e 37-të, pas një asistimi nga Muharrem Jashari.
20:39 Namani barazon shifrat
Drita ka barazuar shifrat në 1:1. Goli u realizua nga Hamdi Namani në minutën e 37-të, ku pas harkimit të Muharrem Jasharit nga krahu i djathtë, Namani ishte i pambuluar në zonë, dhe realizoi me kokë nga afërsia në portën e portierit Ilir Avdyli.
Namani më parë ishte pjesë e skuadrës së Llapit.
20:08 Llapi kalon në epërsi
Llapi ka kaluar në epërsi në finale të Kupës ndaj Dritës.
Është Franciso Rivera që shënoi supergol nga goditja e dënimit që në minutën e gjashtë të takimit.
Ndeshja finale e Kupës së Kosovës po luhet në “Fadil Vokrri”.
