Llapi ka pritur Ballkanin në stadiumin “Zahir Pajaziti”, në kuadër të javës së pestë të Superligës së Kosovës, në një ndeshje emocionuese që përfundoi me rezultat të barabartë 2-2.
Valentin Serembe vazhdoi formën e tij të mirë, duke realizuar golin e parë të takimit nga pika e bardhë në minutën e 20-të, duke i dhënë epërsinë Ballkanit me rezultat 0-1.
Në fund të pjesës së parë, Llapi arriti të barazojë shifrat. Ishte Arbnor Ramadani ai që shënoi për 1-1, duke rikthyer ndeshjen në ekuilibër.
Pjesa e dytë nisi fuqishëm për Ballkanin, që kaloi sërish në avantazh me një tjetër gol të Serembes, duke e çuar rezultatin në 1-2.
Megjithatë, edhe pse Ballkani mbeti me një lojtar më pak në fushë, Llapi nuk u dorëzua. Në minutat e fundit, Hasan Hyseni realizoi një gol të bukur pas një aksioni të rrjedhshëm, duke vendosur rezultatin përfundimtar 2-2.
Të dyja skuadrat patën edhe nga një rast të mirë në fund, por nuk arritën të ndryshojnë rezultatin, me rrjetat që heshtën deri në fishkëllimën e fundit.
