Ramiz Lladrovci ka komentuar ngërçin politik në Kuvend dhe mundësinë e zgjedhjeve të reja, në emisionin “Mesditë” në Tëvë1. Ai ka theksuar se për të konsoliduar punën e Kuvendit, LVV-ja duhet të krijojë koalicione me partitë kryesore opozitare ose të qeverisë.
“Nëse hyn LVV-ja në një subjekt të ri të madh në këtë rast me PDK-në ose me LDK-në, sigurisht që do të ketë zgjedhje, edhe së shkurti, mars, edhe për zgjedhje të presidentit”, ka thënë Lladrovci.
Ai ka folur edhe për mungesën e vullnetit për koalicione dhe përgjegjësitë e partive.
“Unë nuk po shoh shumë që ka një vullnet për me pas një koalicion. Të shohim këto 30 ditë se çfarë do të ndodhë. Nuk duhet të ndahet faji, sepse unë jam opozitë dhe është e drejta ime të votoj apo të jem kundër”, ka shtuar Lladrovci.
