Kryesia e Partisë Demokratike të Kosovës (PDK) më 27 korrik ka vendosur që kandidat për kryetar të Drenasit të jetë Petrit Hajdari dhe jo, kryetari aktual, Ramiz Lladrovci.
E, Lladrovci, nëpërmjet një postimi në Facebook, ka kërkuar nga votuesit e tij të përmbahen dhe të mos reagojnë ndaj situatës së krijuar nga, siç i ka quajtur ai ‘postime të porositura’.
Sipas Lladrovcit, edhe në zgjedhjet e kaluara ‘bedelët me letra e pa letra me ndonjë përjashtim’ ishin bashkë kundër tij, por ka theksuar se ai do t’i mund sërish ata.
“Pas shumë mesazheve për veprim ndaj situatës së krijuar me postime të porositura, kërkoj nga të gjithë qetësi dhe dashuri. Bedelët me letra e pa letra me ndonjë përjashtim, në zgjedhjet e kaluara ishin bashkë kundër meje. I munda dhe i mundi sërish. PDK dje, PDK sot, PDK gjithmonë. Tash dolën publikisht dhjetëshja e parë, qytetarët ua shohin fytyrat por edhe ua dinë veprat, asnjë maskë nuk do ti ndihmojnë. Me qytetarët do t’ua tregojmë vendin, keqbërësve dhe bedelëve. Vazhdojmë, +4”, ka shkruar Lladrovci./teve1.info./
