Liverpooli asessi ta kaloi krizën e rezultateve.
Kampioni anglez të mërkurën pësoi humbje të thellë edhe në xhiron e pestë të Championsit.
Në “Anfield”, Liverpooli humbi 4:1 nga skuadra holandeze, PSV.
Liverpooli i ka nëntë pikë në vendin e 13-të. PSV-ja i ka tetë pikë në vendin e 15-të.
Superylli francez, Kylian Mbappe, ka shkëlqyer të mërkurën mbrëma për ta udhëhequr Real Madridin drejt fitores ndaj Olympiacosit në Greqi.
Në kuadër të xhiros së pestë të fazës së ligës në Champions, Madridi fitoi 4:3 ndaj Olympiacosit.
Të gjithë katër golat i shënoi Mbappe. Ai e kompletoi “hat-trickun” për shtatë minuta, nga e 22-ta deri në të 29-tën. Tjetër gol francezi shënoi në minutën e 60-të.
Për Real Madridin është fitorja e katërt. Me 12 pikë mban vendin e pestë në tabelë.
Tetë gola u shënuan të mërkurën mbrëma në “Parkun e Princave” dhe në fund festuan lojtarët e kampionit në fuqi të Evropës, Paris Saint-Germainit.
PSG-ja e fitoi ndeshjen e xhiros së pestë të fazës së ligës në Champions 5:3 ndaj Tottenhamit.
Vitinha shënoi “hat-trick”, ndërsa me nga një gol në fitore kontribuuan Fabian Ruiz dhe Ëillian Pacho.
PSG-ja e dyta ka 12 pikë, ndërsa Tottenhami mbetet me tetë.
Jose Maria Gimenez realizoi në minutën e 93-të dhe ia siguroi fitoren Atletico Madridit.
Atletico para tifozëve të vet në “Metropolitano”, fitoi 2:1 ndaj Interit.
Ndeshja i takoi xhiros së pestë të fazës së ligës në Champions.
Interi ndërkohë e pësoi disfatën e parë.
Interi është i katërti me 12 pikë, tri më shumë se Atletico i 12-ti.
Atalanta ka fituar me rezultat bindës në udhëtim tek Eintracht Frankfurti të mërkurën mbrëma.
Ndeshjen e xhiros së pestë të fazës së ligës në Champions, Atalanta e fitoi 3:0.
Ademola Lookman, Ederson dhe Charles De Ketelaere, i shënuan golat e fitores në pjesën e dytë.
Kapiteni i Shqipërisë, Berat Gjimshiti, luajti deri në minutën e 74-t tek Atalanta.
Atalanta ka 10 pikë në pesë ndeshje dhe zë vendin e dhjetë.
Frankfurti i 28-ti ka katër pikë.
