Liverpool ka refuzuar një ofertë zyrtare prej 67.5 milionë euro nga Bayern Munich për sulmuesin kolumbian Luis Díaz, duke bërë të qartë se nuk kanë ndërmend të ndajnë me lojtarin për një shumë të tillë.
Pavarësisht se vetë Díaz është i hapur për një transferim gjatë kësaj vere, dhe interesimi nga dy gjigantë evropianë – Bayerni dhe Barcelona – është real, klubi anglez vazhdon të qëndrojë i palëkundur në qëndrimin e tij.
Sipas raportimeve të gazetarit Fabrizio Romano, nuk ka asnjë marrëveshje për tarifën e transferimit, ndërsa Liverpool e vlerëson kartonin e lojtarit shumë më lart sesa shuma e ofruar nga kampionët e Gjermanisë.
Burime pranë klubit “The Reds” bëjnë të ditur se përgjigjja ndaj ofertës së fundit ka qenë një “jo” e prerë, duke theksuar se vetëm një ofertë jashtëzakonisht e lartë mund ta ndryshojë këtë qëndrim.
Luis Díaz, i cili iu bashkua Liverpoolit në janar të vitit 2022 nga Porto, ka qenë një nga lojtarët më të rëndësishëm në repartin ofensiv të skuadrës. Nëse do të ndodhë largimi i tij, ai do të përfaqësonte një ndryshim të madh në projektin e klubit për sezonin e ri.
