Liverpool pas rezultateve jo të mira ka filluar të mendojë për forcimin e skuadrës në afatin e verës.
“The Reds” së fundmi kanë shprehur interesim për mbrojtësin e Leipzig, Josko Gvardiol, i cili ka impresionuar me paraqitjet e tij në klubin gjerman, duke qenë edhe një nga më të mirët në kampionatin botëror.
Gjiganti anglez dëshiron një plan afatgjatë në mbrojtje dhe kroati shihet si një mundësi e mirë, por mund të hasë në konkurrencë, pasi shumë klube janë të interesuara për shërbimet e tij.