Liverpooli është shumë afër të shpallet kampion i Premier Leagues në Angli, për herë të dytë në histori të klubit dhe këtë mund ta bëjë që sonte.
Lideri i ligës elite angleze, nuk luan të mërkurën mbrëma, por Arsenali si përcjellësi i vetëm në garë për titull, që luan sonte kundër Crystal Palace, në rast të humbjes, mund t’i mundësojë Liverpoolit ta fitojë titullin e kampionit.
Për shkak se Liverpooli ka 13 pikë më shumë, Arsenali, në rast të humbjes nuk do të mund të arrinte më shumë se 12 pikë deri në fund të sezonit, kur mbesin vetëm edhe katër ndeshje deri në fund të kampionatit.
Nëse Arsenali fiton sonte, ata do të afroheshin në 10 pikë, por që ekipi i Arne Slot, me një fitore të dielën kundër Tottenhamit, mund të shpallet kampion.
Liverpooli do të kishte 82 pikë, derisa Arsenali, maksimalisht deri në fund të sezonit do të arrinte, vetëm 81.
Edhe barazimi i Arsenalit sonte, i mundëson Liverpoolit të festojë titullin të dielën, madje me vetëm një barazim ndaj Tottenhamit, në “Anfield” të dielën.
