Njohësi e çështjeve politike vlerësojnë se pas rikthimit të Listës Serbe mund të shfaqen sfida për institucionet, sidomos nëse kjo parti vazhdon të jetë lokale ndaj Begoradit.
Gëzim Qerimi, profesor universitar, beson që do të ketë sfida në këtë pjesë të vendit nëse qasja e listës serbe.
Ai ka thënë se është e rëndësishme që shteti ta menaxhojë në mënyrën më të mirë situatën e sigurisë në këtë pjesë të vendit.
“Pushteti lokal i takon Listës Serbe në veri, besoj se do të ketë sfida reale nëse vazhdon qasja e tyre që të jenë lojal ndaj ndikimit të Beogradit. Nëse nuk menaxhohet mirë kjo situatë mund të ketë tensione ndër etnike në komunat me shumicë serbe, veçmas në pjesën veriore. Shpresoj që institucionet tona do ta menaxhojnë në mënyrën më të mirë të mundshme, sidomos aspektin e sigurisë”, ka thënë Qerimi në emisionin “Ditari” në Tëvë1.
Ndërsa, politologu Avdi Smajljaj ka thënë se edhe për kryetarët e ri nga Lista Serbe atje është një ambient i ri dhe se nëse përshtaten do të jetë një sukses i madh.
“Do të mbetet të shihet se a do të jetë një sfidë ose si ata do të sillen, bashkëpunojnë, si do të jetë relacionin me nivelin qendror, sepse edhe për ata është një mjedis i ri, në kuptimin që nuk ka më kriminalitet siç ka pasur. Nëse ata arrijnë të ambientohen në këtë ambient të ri, dhe do të duhej sespe e kanë obligim ligjor, do të ishte një sukses i madh”, ka thënë ai.
Në zgjedhjet e së dielës, përveç në komunat në veri të vendit Lista Serbe ka fituar edhe komunat tjera të banuara me shumicë serbe, ndërsa në Kllokot është në balotazh.
