Lista Serbe, partia më e madhe që përfaqëson komunitetin serb në Kosovë, nuk është e pranishme në seancën e sotme të Kuvendit, një mungesë që mund të ndikojë drejtpërdrejt në procesin e votimit për ndryshimet kushtetuese.
Mungesa e deputetëve të Lista Serbe konsiderohet e rëndësishme për zhvillimet që priten në vijim në seancën parlamentare.
Në Kuvend po diskutohet për ndryshimet kushtetuese të propozuara nga presidentja Vjosa Osmani, të cilat parashohin që presidenti i vendit të zgjidhet drejtpërdrejt nga qytetarët.
Për miratimin e këtyre amendamenteve nevojitet shumicë e dyfishtë në Kuvend, përfshirë edhe votat e deputetëve nga komunitetet joshumicë.
Lista Serbe ka 9 nga 20 vendet e rezervuara për komunitetet joshumicë në Kuvend. Për kalimin e amendamenteve kërkohen dy të tretat e votave të këtyre deputetëve, çka nënkupton se nevojiten të paktën tri vota edhe nga kjo parti. /teve1.info/
