Lista Serbe ka reaguar pasi një mjet shpërthyes është hedhur në drejtim të trupave të KFOR-it në Zveça.
Kjo parti kanë bërë të ditur se kanë dalë menjëherë në vendin e ngjarjes dhe sipas tyre, bëhet fjalë për fishekzjarre.
“…Përfaqësuesit e Listës Serbe kanë dalë menjëherë në vendin e ngjarjes dhe në një bisedë me përfaqësuesit e KFOR-it në terren mësuam se me shumë gjasa bëhet fjalë për fishekzjarre”, thuhet në reagimin e Listës Serbe.
Tutje kjo parti ka bërë thirrje që të mos rrezikohet siguria e ushtarëve të KFOR-it.
“Lista Serbe u bën thirrje qytetarëve që të mos rrezikojnë sigurinë e ushtarëve të KFOR-it, sepse kushdo që e bën këtë është duke punuar kundër interesave të popullit serb”, bëhet e ditur tutje.
Ndryshe edhe nga KFOR-i për teve1.info konfirmuan se një mjet shpërthyes është hedhur në drejtim të trupave të tyre, megjithatë shtuan se “nuk ishte asgjë serioze”.
