Ky lis ka qenë vatër e fshehjes gjatë Luftës së Dytë Botërore të armëve dhe karakteristikë kryesore, i ka vrimat e shumta që akoma janë prezentë aty.
E personi që është interesuar aq shumë për ruajtjen dhe njohjen e historisë së tij, Kjani Sallahu, tha se ky lis konsiderohet si lisi më i vjetër në Ballkan.
Kjaniu nuk kishte reshtur asnjëherë së kërkuari më shumë informacione rreth tij. Madje, ai kishte vënë një qëllim vetës, që ky lis të bëhej pjesë e monumenteve natyrore, tregon ai për Tëvë1.info.
Karakteristikat e veçanta kanë bërë që ky lis të ketë edhe vizitorë të huaj.
Ruajtja e trashëgimisë dhe monumenteve natyrore në përgjithësi, thotë Sallahu është shumë e domosdoshme.
Përpos lisit të vjetër 600 vjeç, veçanti tjetër e këtij fshati është edhe mulliri i cili daton për më shumë se 3 shekuj.
Sallahu me plot nostalgji flet për kohën kur vinin tek ky mulli për të marrë miell, e që në atë kohë ishte një ndër mullinjtë më të njohur në fshat.
Ndonëse koha ka ndryshuar, nevoja për miell vazhdon të mbesë e njëjtë. Por, fatkeqësisht, mulliri tani është jashtë funksionit dhe banorët detyrohen të furnizohen diku tjetër.
Të gjithë ata që e pëlqejnë natyrën, ajrin e pastër e historinë, mund të kalojnë një ditë të bukur në këtë fshat.
Në kohën kur shumica kërkojnë ta ndërrojnë fshatin me qytet, banorët e Biçecit, sipas Sallahut, vetëm sa punojnë më shumë që këtij fshati të mos i humb bukuria e as rëndësia.
Kronika e realizuar nga Erdonita Hebibi
