Hysen Muzliukaj, ish-këshilltari i ministrit Faton Peci është liruar nga paraburgim, pasi dje u arrestua me vendim të Prokurorisë Speciale nën dyshimin për korrupsion dhe keqpërdorim të detyrës zyrtare.
Lajmin e ka bërë të ditur avokati i tij, Ahmeti Tahiri, i cili tha se Gjykata Themelore ne Prishtine korrigjoj gabimin e Prokurorisë Speciale.
“I lumtur që Gjykata Themelore ne Prishtine korrigjoj gabimin e Prokurorisë Speciale duke refuzuar kërkesën e saj për caktimin e paraburgimit ndaj klientit tim Hysen Muzliukaj! Hyseni është i lire dhe jemi te bindur qe edhe epilogu përfundimtar do të jetë pafajësia e tij”, ka shkruar ai.
Ministri i Bujqësisë, Faton Peci, e ka liruar nga detyra këshilltarin e tij, Hysen Muzliukaj, i cili dje u arrestua si i dyshuar për “keqpërdorim të detyrës zyrtare” për kohën sa ishte drejtor në Komunën e Mitrovicës.
Lajmin për teve1.info e ka konfirmuar shefja e kabinetit të ministrit Peci, Flutura Mustafa Pllana, e cila tha se derisa të vendos drejtësia ai do të jetë i liruar nga detyra.
“Ministri Faton Peci, derisa drejtësia ta thotë fjalën e fundit, Z. Muzliukaj do ta lirojë nga detyra. Me respekt, Flutur Mustafa Pllana, shefe e Kabinetit”, tha ajo.
Policia e Kosovës në bashkëpunim me Prokurorinë Speciale i ka bastisur pronat e të dyshuarve, Faruk Mujka ish-nënkryetari i Mitrovicës dhe Hysen Muzliukaj ish-drejtorin e kësaj komune, me dyshimin për korrupsion, raporton teve1.info
Sipas komunikatës së Prokurorisë Speciale të Kosovës, me kërkesë të Prokurorisë Speciale të Republikës së Kosovës, sot është lëshuar Urdhëresa për bastisje nga Gjykata Themelore në Prishtinë – Departamenti Special, në dy lokacione, pronë e dy të dyshuarve me inicialet F.M. dhe H.M.
“Nën mbikëqyrjen e Prokurorisë Speciale, Policia e Kosovës, Njësia e Veçantë e Hetimeve, ka kryer bastisje në këto dy lokacione, pronë e dy të dyshuarve. Gjatë bastisjes në njërin lokacion, ndër të tjera janë gjetur dhe sekuestruar shuma e të hollave prej gjashtëdhjetë mijë (60.000.00) euro.
