Logopedi, B. S, i cili dyshohet se e sulmoi një katërvjeçare e cila kishte shkuar për t’u trajtuar në klinikën e tij, është liruar dhe rasti është duke u hetuar në procedurë të rregullt.
Kështu ka bërë të ditur për teve 1.info zëdhënësja e Prokurorisë Themelore të Prishtinës, Laureta Ulaj.
Ndërkohë, në raportin 24-orësh të Policisë së Kosovës, ishte paraqitur një rast se një vajzë e mitur ishte keqtrajtuar gjatë trajtimit logopedik tek i dyshuari mashkull në Podujevë, i cili ishte cilësuar si “Lëndim i lehtë trupor” nga Policia.
“LËNDIM I LEHTË TRUPOR/Podujevë 12.08.2023-11:30. Ankuesja femër kosovare ka raportuar se ndaj vajzës së saj të mitur ishte ushtruar dhunë fizike (kapur për flokësh) nga logopedi, i dyshuari mashkull kosovar ku ishte duke u trajtuar viktima. I dyshuari është intervistuar dhe me vendim të prokurorit është arrestuar dhe dërguar në mbajtje”, thuhet në raportin policor.
Logopedi që e keqtrajtoi të miturën në Podujevë po mbahet në ndalim policor prej 48-orëve
