Përmes një interviste për teve1.info, Zejnullahu tha se ka një rënie të lehtë të çmimit të grurit, derisa shtoi se çmimi i bukës nuk varet nga kjo Shoqatë.
“Aktualisht çmimi është stabil dhe ka rënie të lehtë, me përqindje diku rreth 5 për qind është në rënie çmimi i grurit. Çmimi i bukës nuk varet prej neve”, tha ai.
Zejnullahu shtoi se tani çmimi i grurit është i njëjtë me atë të muajit korrik të këtij viti.
“Tash jemi barazu me çmimet e muajit korrik sepse para 1 muaji u përhap lajmi që Rusia do t’ia ndal grurin e Ukrainës dhe u rriten çmimet e grurit. Ajo rritje është kthyer mbrapa dhe është stabil”, ka deklaruar Zejnullahu.
