tëvë1.info
  • LAJMET
  • RAJONI/BOTA
  • OPINIONE
  • SPORT
  • SHËNDETI
  • TECH
  • SHOW BIZ
  • LIFE STYLE
No Result
View All Result
tëvë1.info
  • LAJMET
  • RAJONI/BOTA
  • OPINIONE
  • SPORT
  • SHËNDETI
  • TECH
  • SHOW BIZ
  • LIFE STYLE
tëvë1.info
No Result
View All Result

Liria, një ndeshje larg Superligës

tëvë1 nga tëvë1
27/05/2023
A A
Share on FacebookShare on Twitter

Liria e Prizrenit është vetëm edhe një ndeshje larg rikthimit në elitën e futbollit të Kosovës.

Prizrenasit e fituan ndeshjen e parë të barazhit të Ligës së Parë ndaj Ulpianës me rezultatin, 3:1.

Ndeshja u zhvillua në stadiumin “18 Qershori” në Klinë dhe u dominua nga prizrenasit që nga fillimi e deri në fund të ballafaqimit.

Edmond Likaj u përkujdes për golin e parë në ndeshje, që në minutën e katërt.

Likaj shënoi nga afërsia me ndihmën e një devijimi nga një mbrojtës i Ulpianës.

Pas gjysmë ore lojë, Liria mendoi se fitoi penallti, por pas rishikimit të situatës në VAR, vendimi u tërhoq nga gjyqtari kryesor i ndeshjes.

Por në fundin e pjesës së parë, Liria shënoi tjetër gol.

Petrus Megameno me një gjuajtje të fuqishme me të majtën, realizoi gol të bukur për 2:0.

Ndërkohë për rezultatin 3:0 u përkujdes Diellor Beseni që realizoi nga një pozitë e vështirë në minutën e 52-të.

Ulpiana arriti vetëm ta ngushtojë rezultatin por pa e pasur forcën të kthehet në lojë deri në fund.

Gentian Emini shënoi nga afërsia në minutën e 88-të. Ishte edhe goli i fundit në këtë ballafaqim.

Liria dhe Ulpiana dolën nënkampione të grupeve të tyre në Ligën e Parë. Liria ishte e dyta në Grupin A, kurse Ulpiana e dyta në Grupin B.

Me këtë fitore, Liria tani synon të kthehet në elitën e futbollit të Kosovës pas një kohe të gjatë.

Për herë të fundit në Superligën e Kosovës, Liria garoi në edicionin 2018/19.

Vitin e kaluar nuk arriti sukses pasi u mposht nga Vushtrria pas penalltive, në barazhin e Ligës së Parë.

Nga tribunat të shtunën gjatë ditës në Klinë, të dyja skuadrat e patën përkrahjen e madhe të tifozëve.

Barazhi i Superligës së Kosovës luhet javën e ardhshme.

Në barazhin e Superligës së Kosovës, Liria do të luajë kundër skuadrës së tetë në renditjen e elitës së futbollit kosovar.

Aktualisht ajo pozitë mbahet nga Ferizaj që ka 38 pikë.

Skuadra e Shaqirit ofron stimulim financiar për tifozët që do të jenë në ndeshjen me Inter Miamin

04/10/2023

Kriza e United, tifozët: Onana skandaloz, riktheni De Gean

04/10/2023

Serbia liron Radoiçiqin, ia ndalon ardhjen në Kosovë

04/10/2023

Voziti 228kh në zonën 120, i ndalohet drejtimi i automjetit për tre muaj

04/10/2023

Dështon konstituimi i Komisionit hetimor për rezervat shtetërore

04/10/2023

Hapet për qarkullim Bërnjaku, Jarinja ende jo

04/10/2023

Ky portal mirëmbahet nga televizioni “Tëvë1”. Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e drejtuesve të “Tëvë1”. Për ta shfrytëzuar materialin e këtij portali obligoheni t’i pranoni kushtet e përdorimit.

Kontakti:

  • Rr. Elez Berisha, Prishtinë, Kosovë
  • e-mail: [email protected]
  • Tel: +383 48 44 77 00
© 2023 tëvë1 - Të gjitha të drejtat janë të rezervuara.
  • LAJMET
  • RAJONI/BOTA
  • OPINIONE
  • SPORT
  • SHËNDETI
  • TECH
  • SHOW BIZ
  • LIFE STYLE
No Result
View All Result

© 2022 tëvë1 - Të gjitha të drejtat janë të rezervuara.